Širəli Magsud
Širəlijev Magsud Məsti zoə — moədə byə 05.12.1972-minə sori Masalu rajoni Xanalion dijədə. Tam mijonə təhsil səše Syǧdašti məktəbədə. Magsud həm Masalu, həm Lankoni xalg teatr kollektivon navdəbyšyə uzvonədə gyləje. Cəj ifadə bə kino kəšə byə Tolyši Šəbani obraz bənome. 2005- 2007-minə soronədə de Xanəli, Ničati ssenari, režissorəti silsilə bə tolyši kəšə byə tolyšə kino serialonədə Širəli Magsud Məsti širkat kardəše bənə kinoaktjori. “Dyvo”, “Tolyš, byvot, bysyr dəmə” (1-3) filmon bə dynjo pevylo byən. Magsud Məsti zoə yštənən kino kəšəše bə tolyši: “Čyni həmlə”, ssenari, režissorəti, operatorəti həmmə cəje. Magsud təbiəti ašyǧe. Xanalionədə “Xanahi” nomədə gyləj sejrəngo (rohətə mərəngo) soxtəše, aləm bəcəj təmšo mandə. Magsud həmən istedadinə šaire. Hestyše bə tyrki- bə tolyši nyvyštə xəjli əsəron.
