Əbdulrza Əhmədov

Əbdulrza Əhmədov Əlirza zoə — 20.06.1930-minə sorədə Masalu rəjoni Mədo dijədə moədə byə. Mədoədə 7-minə sinif, Byradigo diədə mijonnə məktəb oryxynijəše. Lankoni Pedagoži məktəbədə (1947), ADPU taryx fakultə gijabi šebədə (1958) təhsil səše. Jardymly rəjonədə, Masalli rəjoni Byrədigo ijan Mədo di məktəbonədə 64 sor muəllim ko kardəše (1947-2011). Bə “Sərmuəllim” (1977), “Ali kategorijajnə muəllim” (1995) nomon lajig vində byə. Dəvardə əsri 70-minə soronku žygo çəj lirikə, satirikə nyvyštəjon, elmijəpublisistikə əsəron Respublikə gəzet-žurnalonədə, interneti sajtonədə çap bedən. 4 kitobi xyvande: “Mahmudavar” (2002), ”Vylə çangə” (2004), “Pərvanə” (2008), “Divan” (2010).