Ǧysmət Xan
Ǧysmət Xan (1944, Estalx Zir, Šandermani baxš, Gilan — 17 nojabr 2013 sor, Sekam, Rezvanšəhr) — tolyšə xanəndə, tolyšə millijə mahnejon handəkəs. Tolyšə musiǧi ijən mahnejon ifo ijən pevylo kardejdəbe kišvərədə ijən kiwvəri bentono[1].
Biografijə
sərost bykəǦysmət Xan 1944 sorədə Estalx Zir dijədə, Masal šəhristanədə bə dynjo omə. Pešo bə Rezvanšəhri, Xošəbər dehestani, Sekam di bo žije ovašte.
Ofəjevonəti
sərost bykəƏcəj pešəkorə fəolijət — tolyšə mahnejon Talešdulabi stilədə hande. Əǧylətiku tolyšə mahnejon handejdəbe ijən de yštə zanginə vangi tolyšə vəjon ijən tədbiron rušin kardejdəbe. Əcəj vəzifə tolyšə mahnejonədə bə žəgo səvijə rəsəj ki kejnə kijsə gyləj otyrnije dəvonije pidəšbe, hukman bə Ostad Gasem Xani[2].
1980-soronku cy Ǧysmət Xani əsəron musiǧijə tədǧyǧotəvon Armin Fəridi Haftxani nyvyštyše[1].
Ǧysmət Xan čurbəčurə festivalonədə ištirok kardəše. Məsələn, Kermani musiǧi festivalədə končo Ǧysmət Xani nom 36 gylə ironə millijə musiǧi məšhurə ustodon dylədə nyšonə kardyšonbe ja Fyrəngystoni, Belarus ijən čo festivalonədə[3].
Ǧysməti vejni handə mahnejon Armin Fəridi edaštəše, ogətəše.
Hilon, təšəkkoro
sərost bykə- Kermani musiǧi festivalədə 36 gylə ironə millijə musiǧi məšhurə ustodon dylədə 2013 sorədə
- 2005 sorədə Fəčr musiǧijə festivalədə ištirok karde
- 2006 sorədə Fyrəngystonədə «Zəmini rufijə vangon» festivalədə ištirok karde
- 2007 sorədə Sirač Xorasan Festivalədə Ironi vilojəton handejədə iminə vyrə gətyše
- 2013 sorədə Belarusədə «Ironə mədənijəti jolə festival»ədə ištirok karde
Marde
sərost bykəXəjli noxəš gynije bəpeštə 17 nojabr 2013 sorədə Ǧysmət Xan bə rəhmət še. Dəfn kardyšone Sekam dij Sejid al-Šohdə tybəsoədə[1][4][5].
Galerejə
sərost bykə-
«Daviar Aviar» albom -
«Tolyšə həvo» albom
