Bəhmən Saleh
Bəhmən Saleh (20 mart 1934 sor, Ruəkəno (Amburon) dij, Masalu rajon, — 12 nojabr 2009 sor, Mədo, Azərbojčon) — tolyšə ənyvyšt, publisist, dramturg, miəllim, taryxəvon, filosof, etnograf[1].
Biografijə
sərost bykəSalajev Bəhmən Əsədulla zoə əǧyləti bə vəšijənəti dave soron egynin. Moəku byə martə mangi 20-ədə, 1934-nə sori Nəvuzə šəvədə Masalli rajoni Amburon-Rujəkəno dijədə. Əǧylətiku ko kardəbe ijən handejdəbe i vaxtədə. Jolə Vətən muharibə (1941-1945) vaxtədə hyrdən byə[1].
Əcəj pyə Əsədulla 1941-də šə bə myhoribə, əsir egynijə, 1949-də omə bə kə noxəši holədə. Xyjzoni həmmə gonəti Bəhməni səpe byə. Əve ibtidai, mijonə təhsil səjədə bə di dəgynijə: 21 sinədə oroxnijəše Lankoni rəjoni Sepadi mijonə məktəb. Ali təhsil gijobi səše, hətto aspiranturədə handəše, de elmi koon dastko byə. 1964-nə sorədə Azərbojčoni kišvərə universiteti taryxə fakultə gijobi oryxniše, ijən 1974 sorədə gijobi Azərbojčoni Elmon Akademijə Fəlsəfə ijən huǧuǧi instituti aspiranturə oryxniše[2].
55 sor (1955 soriku bə 2009 sor) pedagoži fəolijətdə byə, miəllim ko kardəše. Masalu rəjoni Ruəkəno, Mədo, Hyškədə dijonədə direktor ko kardəše. Oxonə 29 soi yštə dijədə miəllim ko kardəše. Ən barzə kategorijə miəllim-metodist be[1].
Ofəjevonəti
sərost bykəTolyšə xəlǧi taryxi, čoǧrafi, igtisodi, huǧuǧi həxədə nyvyštə byə cəj yn kitobon bə nomin: «Burulǧanlar icində» (2009), «Hurrijjət kəməri» (2010), «Tarixin daš jaddašy» (2011).
Bəhmən Salehi 75 nomədə elmi, pedagoži, astronomik, publisistikə məǧolə və kitobon hestyše. Bəhmən Saleh, nymožbyvot, momin byə[1].
2007 sorədə «Lampa» kitobədə tolyšə nəsri ən cokə nymunə byə hikojon, miniaturon gyrdə byən Cy kitobi naxsyxanədə ədəbijə kritik ijən šair Allahverdi Bajrami nyvyštyše: «Bəhmən Salehi hikojonədə etnografijə etudon vinde bedə, millijə idon, adəton, ko kardə sənəton edjəse ijən Tolyši millijə xorəkon bu hiss karde».
Yštə xəlgi sadigə zoə be: vətənpijəkəs, patriotbe. Tolyšə xəlgi taryxi, čoǧrafi, igtisadi, hugugi həxədə nyvyštəjon bə nomin.
B.Salehi miniaturə, ocerk, hikojə, povest, dramonədə yštə tolyšə xəlgi dastkoəti, cəj pišə-sənət, adət-ənənon, vəjə-kojə-telə mərasimon, məišətə vərdišon, həzo noz-neməton, etnikə-etnografə etudun bə ǧələm sə byə[1].
Yštə umrədə B. Salehi sərmovge dyglə cij byə: ROSTƏTİ ijən HƏLOLƏTİ. Ustod bəməno, bo čyvonə nəsyli, bo həmməjo ən barzə nymunə be.
Bibliografijə
sərost bykəHikojon
sərost bykə- Ajbəžorəti klassikə
- Zujənyž
- Ve hytiš, zijon bəkəšeš
- Gin byə Sulejmon
- Az aǧylmand, šymə səfe
- Du votejdəš