Lajə Əhmədova
Lajə Əhmədova (10 ijul 1914 sor, Mədo di, Lankoni ǧəzo, Urusijəti Imperijə — 5 oktjabr 2003 sor, Mədo) — miəllim. Mədo dijədə iminə ženə miəllim, Masalu rəjoni iminə ženə miəllimonədəj.
| Lajə Əhmədova | |
| Movardə taryx | |
|---|---|
| Movardə zəmin | Mədo di |
| Mardə taryx | (89 sinədə) |
| Pyə | Mirfətto |
| Millət | tolyš |
| Faolijət | miəllim |
Biografijə
sərost bykəƏhmədova Lajə Mirfətto kinə 10 ijul 1914 sorədə Mədo dijədə bə dynjo omə.
Mədoədə 15 senjabr 1930 sorədə okardə byə 2-sinifinə məktəbi iminə 50 gylə šogirdonədə be. Iminə təhsilyš yštə dijədə səj, pešo bə Tolyšə Pedagoži texnikum dəše. 1933 sorədə texnikumi de əla ǧyjməton oryxniše u hežo həminə sorədə Masalu rəjoni Ruəkəno dijədə ko karde bino kardyše. Har ruž de tulə ro Mədoku bə Ruəkəno əši. Bəvədə məktəbonədə partə (handə miz) nybe əve šogirdon sinifədə tymonon səpe nyštejdəbin.
Lajə Əhmədova hənijən cy Masalu rəjoni Bədəloni u Tukobə dijon məktəbonədə ko kardəše. Əcəjku handə šogirdon bə barzə vəzifon rəsən[1].
By vaxtonədə məktəbonədə dərson tolyšə zyvonədə dəvardin, əlifbo de latyni be.
1934-1940 soronədə Mədo dijədə əǧylə boǧcə mudir byə.
1940 soriku tosə 1998 sor yštə Mədo dijədə ko kardəše. Mədoədə xəjli tələbon hestin ki elmi čəhətədə bə barzə səvijon rəsən.
Bə Lajə Əhmədova fəolijəti ve barzə ǧyjmət doə byə u əv de «Maarifi navəžənə koəkə» nyšoni təltif kardə byə. Hənijən «Zəhmətə šučoəti» medal, u «Jubilejə medal bə V.Lenini 100 sininə movardə ruži» gornə, Stalini myždəvoni u čo kišvərə medalon, fəxrijə ordenon u čo myždəvonon.