Məsudi Dovran

Məsudi Dovran (27 ijul 1937 sor, Šahǧəč, Ostoro rəjon) — zyvonšynos, filologijə elmon doktor, propessor, bə tolyši šeiron nyvyštəkəs.

Məsudi Dovran
Movardə taryx	27 Ijul 1937
Movardə zəmin	Šahǧəc di, Ostoro rəjon
Faolijət	zyvonšynos, professor, filologijə elmon doktor

Biografijə

Məsud Əliaǧa zoə Məmmədov (Məsudi Dovran) 27 ijul 1937-nə sorədə Ostoro rajoni, Šahǧəči dijədə bə dynjo caš okardəše.

Azərbojčoni Devlət Pedagoži Zyvonon Instituti urusi zyvoni ijən ədəbijoti fakultə (1962-1967) oryxynijəše, I. Nəsimi nomədə Zyvonšunosəti Institutədə Iron u Ǧafǧazi zyvonon šobədə elmi koəkə vəzifədə ko kardəše. “Xələči zyvon” myžorədə nəmizədəti mudafiə kardəše, 1973-nə sorədə filologija elmon fəlsəfə doktor nom səše.

1992-nə sorədə Gazaxystoni Cimkənd vilajətədə onoəbə “Tyrkyston” tyrk-gazax Bejnəlxalg Universitetiku dəvət səše. 1994-nə sorədə Lankoi Devlət Universiteti təsis beədə, ijo təjinat səše və syftə dekan, pešo elmi koon prorektor vəzifonədə ko kardəše. Zyvonšynosəti kafedrə professore. “Azərbojčoni Tolyši zonə čoǧrafi nomon lingvistə təhlil” nomədə doktorəti mudafiə kardəše (1994), filologija elmon doktore.

Professor Məsud Məmmədov (Məsudi Dovran) 300-sə vej elmi məgalə, 5 monografija, 6 šeirə kitobi xyvande. Cəj “Az tolyšim” (Lankon, 2004) šeirə kitobon capo bešən.