Muzəffər Nəsirli
Muzəffər Ibrahimzodə Nəsirli (1902, Šəǧoləkužə, Lankoni ǧəzo, Russijə imperijə — 3 mart 1944, s. Masalu) — zyvonšynos, šair, folkloršynos, pedagog, žurnalist.
Biografijə
sərost bykə1902-minə sorədə Lankoni Šəǧoləkužə dijədə bə dynjo omə. 1920-minə sorədə təsis byə “Tolyši dijori omutə čəmijət”i sədr byə. De Šohub Mursəlovi ičo “Tolyšə mahneoon”, “Žimoni ro”, “Tožə məktəb”, “Əlifbo”, “Tolyšə zyvon” i.č. kitobon nyvyštəše ijan tərtib kardəše. 1936-minə sorədə bənə xəlgi dyšmeni həbs kardə byə, bə Bajyli zindon dənoə byə. Bəj 7 sor ko doəbe byə, 3 sor Daškəndi šəhər šəfoxonədə mualičə dəvone bəpeš, hic gylə əsos nybe səbin həbso ozod kardəbyə. Həbso ozod bəpeš Abšeroni Məštəǧə gəsəbədə tərbijəci, pešo ce Masalu Bədəlon, Digo dijonədə muəllim ko kardəše. 1944- minə sorədə Masalu šəhrədə yštə dynjo dəgiš kardəše.
Muzəffər Nəsirli İbrahimzadə ( movardəruž: 1902, Lankoni Šaqləkužə—mardəruž: 1944, Masalli šəhər) yštə devri nominə zyvonšynos, šair, folkloršynos, pedagog ijən žurnalist byə. Əj deštə əməlijə fəalijəti de sydqy-dyli bəštə xalgi xydmət kardəše. 1920- nə sorədə Tolyši dijori omutə čəmijət təsis bedə, əv əjo fəal širkət kardedə, pešo həminə čəmijəti sədr bedə. By devrədə məšhurə zyvonšynos, folkloršynos B. V. Milleri dyggəti čəlb kardedə. M. Nəsirli Tolyšə folklori gərdəkarde, nəšr karde, tədqiq karde roədə fədokorəti kardedə. 1928- nə sori iminə kərə radioədə tolyšijədə folklorə nymunon handedə. M. Nəsirli Tolyšə məktəbonədə nuperəsə-čyvonə nəslon səvodin bejo xəjli koonyš kardə. De Šohub Mursəlovi bə ičo 1929- nə sori tolyšə zyvonədə iminə tolyšə kitob nyvyštedə. “Tolyši mahnijon”, “Žimoni ro”, “Tožə məktəb”, “Əlifbo”, “Tolyšə zyvon” i. č. kitobon yštə vaxtədə vej bəhrəjnə vəsaiton bin. Filologijə e.n. Əsgər Gulijev ə devri xarakterizə kardeədə nyvyštedə: ”...B. Cobanzadə, A. Šərifov millijətijo tatarbin, N. Ašmarin- cuvaš, A. Xifeldt - Šimunjaki – eston, X. Xočajev – ozbək, M. Kamil –tyrk, İ. Staši – laz , X. Nijazov – kyrd, M. Nəsirli tolyšbe. Əvon əsyl bejnəlmilələ xejzon sərost kardəbe, Cəvon nijət pok, košon təmizbe: bə azərijə tyrkə zyvoni xydmət kardedəbin. Ymruž de čəsorəti vote bəzynemon ki, əvon noəšone cy zyvonšynosəti qojmə bynovyrə!”...( 17) Maraqynə istedadinə šəxsijət byə M. Nəsirli, cokə tar əžənibən, de barzə sədo əhandibən. Yštə satirikə hikajon bo səhnə hozy əkəjbən. Cy təmšoon režissorən, aktjorən yštən əbijbən... M. Nəsirli həmən talantinə šairbe, šeeronyš cap əbi devri mətbuatədə. Deštə muasirinə šairə həmron əj vej fərgyš hestbe: Šeeronədə nəzmi qajda-qanunon cəš əkəj, cəj nyvyštə šeeronədə hyčə, təgti, rədif, obrazəti, məčazəti, poetikəti yštə vyrədə əbi: Jodomon benybəše ə dəvardə rúžon, Cy dyzon əsirbin fəqyrə tolyšon. Pus əbin, əmardin kosibə divožon, Ty perxonije əvon, doj bəvon ruzon... ( “Qyzylə qošun” ,“KT”, N-8, 25.02.1931) Bə M. Nəsirli yn vejčəhətinə fəalijəti jolə qyjmət doj əvəzi, əvyšon hic nijədə həbs karde, 1936- nə sori əv bənə xalgi dešmeni gətəbe. Bə Bajyli turmə dənoəbe, 7 sor bəj ko doəbe. 3 sor Daškəndi šəhər noxəšxonədə mualičə be bəpəštə, bəcəj koj sənibəton diə kardəbe, əsosinə subut nybero əv ozod kardəbe. İ myddət Abšeroni Məštəqə gəsəbədə tərbijəvon, pešo Masalli məktəbonədə (Bədəlon, Digo) muəllim ko kardedə. (dijəkə: 18)