Numunə:Portal taryx həftə vyžnijə nyvyštəj

Ğədimə Misir

Ǧədimə Misir – ce Afrika xəremi-xəšəxuni səmtisə ce Niləru ovəjzi orəxədə kešvəre.
Bə Misiri žimon doə Niləru cy Mionə Afrikədə bə golonku səš pegətəše. Ym ru 700 km ro šure-šure de šami bə Mijonə dyjo (Aralyg) emedə. Bə dyjo emə vyrədə Niləru bə dy xycə poə bedə ǧəč bedə. Penə vyronku bino pegətə Niləru šamadə vyrə gətə zəminonədə Misir vyrə gətedəbe. Cəmə e.b.n. V-IV həzosoronədə ce žimoni binoə onemoni vylobəpešt Misirədə gədə-gədə hyrdə kešvəron onej bino bedə.
Bənəj Šumeron ijo har gylə məhol yštən–boštə səbəsožbej Cəvon mərəngoə šəhər kešvəri bə ro noə riə, ləškər ijən yštən əlejdə Xydošon hestbešone.Ym məholon de jəndy dastbədast dodəbin i bedəbin jaən ki,dejəndy dave (čang) kardəbin. Mande pešo ičonəti bej havər še-še ve bej bə -Penə (Xəremi) ijən Žinə (Nyso) latə čo-čo bin. Ce latə-laton jolon de dave eǧandero,hežo dylošonbə bə ičonəti bon.By vaxti cy Misiri “oroǧ-toroǧi navonə vaxt” votə bedə.E.b.n. III həzominə sori dair bə syǧə vəslonədə ce ǧədimə Misri xəremi podšon nomə ašmard nyvyštə bə. Mande be bəzyne ymon podošo nin,gasbuən cy gylə oroǧ-toroǧi siprišoninbu. Mylxəs cə vaxton barədə bəməku zynəj kame ijən “oroǧ-toroǧi navonə vaxt”-i canədə žimonyš kardəše,əjən zyndənimon.Mande e.b.n III həzosorondə igləliə kešvəri bej votedən cəjoən ijo 2 gylə podošo oroǧ-toroǧ bə. Ce Misiri tarix cijo bino bedə.Bə Misiri podošon “firon”-on votə byən. Ašmardə bedə ki, ce Misiri bə 30 gylə nezi podšoə oroǧ-toroǧyš bəše. (bə dumo dəvard...)