Pərviz Həkimov

Həkimov Pərviz Rəfaili zoə (26 nojabr 1983 s. Barzəband di, Ostoro rəjon) — Tolyšə šair, ənyvyšt, publisist, peəgordyn.

2000-minə sorədə oroxnijəše Burzuband di jonzəsorə məktəb. 2013-minə sorədə Boku Islom Universitetiədə bəsə žəše yštə ali təhsil. Ərəbi, farsi, tolyši, tyrki zyvonon zynedə. Lirikə, satirikə šaire, ənyvyšt, tərčuməvon, publisiste. Cəj tolyšiədə šeeron, hekojon hestyše. «Šyštə myni cymy dardon» nomədə tolyšiədə šeerə kitob, tyrkiədə «Umid kolgəsində», «Gunahymyn rəngi», «Həjat fəlsəfəsi», «Fikirlərin məhbəsində», «Həjata uzanan jol hardan gəlir» kitobon hestyše. Ym kitobon hic gylə bə maddiə imkoniro cap byənin. Ənčəx «Astara», «Tolyšon sədo», «Irfan» i.č. ružnomə-žurnalonədə, interneti sajtonədə, səhifonədə cap byə cəj əsəron. Xyjzonxyvande.