Talybi Šahan
Talybi Šahan (7 ijun 1939 sor, Moǧonožobə di, Lankoni rəjon) — tolyšə ənyvyšt, šair.
Biografijə
sərost bykəŠahin Talybi zoə Zejnalov 7 ijun 1939 Moǧonozobə dijədə bə dynjo omə. Pyə Talyb, moə Fatmə kəlxozədə ko kardejdəbin. Əǧyləti bə Dyminə Dynjo čangi vəšijəmə soron egynin. Xyjzonədə 9 gylə əǧyl byə, Šahin cəvon jolə boə byə. Pyə-moə rə bə rəhmət šin, pyə 47 sinədə, moə 50 sinədə. Rukə boə-hovon perosnije bə əcəj gi egynin[1].
1957-nə sorədə Lankoni rəjoni, Šuruk di mijonə məktəbi de əla oryxniše. Sərvozəti Almanijədə dəvoniše.
1960-nə sorədə Boku, Sabunci ǧəsəbədə 8 numrəjnə pešə məktəbi oryxniše. Rabitə-elektro mantjor sənətyš səj. Bə vaxtədə akademijədə mantjor ko kardəše ijən bə šəv handəše. Inčəsənəti Universiteti "Mədəni maarif" fakultə oryxniše. Pešo Marsizm-Leninizm universiteti fəlsəfə šobə oryxniše.
1979 sorədə žurnaliston ittifoǧi nəzdədə byə "Žurnalisti sənətkoəti" universiteti oryxniše. Oxojədə ali humanist, žurnalist, fəlsəfə təhsili diplomyš səj.
Instituti oroxnije bəpeštə 30 sori nez "Azərbojčonfilm" kinostudijədə ko kardəše. Azərbojčoni Respublikə maarif nazirətijədə, kio tədrisi metodika idorədə rəis byə. Kinostudijədə zəhmətyš, dəǧandə cijonyš ve byə[1].
1983-nə sorədə "Ailə muntəxəbaty" tədrisə kitobədə "Zoəm zoə bybu, kuli byn kə" ocerk bešə.
Se gylə avlodyš heste, dy gylə zoə, i gylə kinə.