Vusal Husejnov

Vusal Jəhja zoə Husejnov — 10 Ijun 2001-minə sorədə cy Lankon rəjoni Velədi dijədə moəo byə. 2007-2016-minə soronədə Lankon šəhər 8 numrəninə mijonə məktəbədəš handə. 2016-2018-minə soronə Lankon Texniki Kolleči mašinərom-mexanikə ixtisosiro təhsil sedə. 2019-minə sorədə Lankon rəjon Hərbi komisarəti tərəfo bə həǧiǧijə hərbi xydmət sədo kardə bedə ižən Devlət Sərhəd Ǧošunon "N" sojinə hərbijə poə vyǧandə bedə.

Azərboyčoni Ləšgəri Sərhəd Ǧošunon sərboz byə Vusal Huseynov 2020-minə sor sentjabrə mangi 27-də bino byə II Garabaǧi čangədə ištirok kardə. Zəngiloni ozodəti roədə šə čangədə jolə ǧəhrəmonəti nušo doedə. Nojabrə mangi 8 2020-nə sorədə Zəngilon rəjonədə byə 811.0 bylyndəti ystyǧomətədə šə čangədə šəhid bedə. Šəhidi nəše bə Lankon vardən ijan de jolə izdihominə bə zamin aspardən.

Cy Prezident İlham Əlijevi sərənčomi əsosən, Vusal Huseynov marde bəpešt de "Vətəni roədə", de "Bo igidətiro" ijan de "Bo Zəngiloni ozod bero" medalon təltif kardə bedə.