Zəmini dylətonə nuvə

Zəmini dylətonə nuvə — 3 təbəgədə ibarəte.

1. Nuvə
2. Mantijə
3. Zəmini lu

Nuvə:Zəmini mionəku radiusuš təgribən bə 3500 km nez byə, vej barzə tepratur inən bə təzijigi malik təbəgəje. Nuvə gonə metalon bəjəndjgjniəku təškil buə.Nuvə bə dj poə čo bedə.

1. Dylə nuvə
2. Daštə nuvə

Dylə nuvə bə dašti nuvə nəzərdə vej tate inən ijo təzjig veje. Nuvə əsosən ozon inən nikkel ovbejondə ibarət bybuən, vej barzə təzijigi žiədə be gorə təkyrəti malike. Dylə nuvə temperatur 5000°č rəsedə.

Mantijə:Zəmini lu žinə hissəku detsə 2800-2900 km nyǧyli dyroz bedə. Mantijə bə 2 vyrə čo bedə.

1. Penə mantijə (detsə 1000 km)

2. Žinə mantijə (detsə1000-2000 km)

Penə mantijədə maddon ovbuə holədəj. Žinə mantijədə tempratur tike vej bybuən, maddon jolə təzjigi žiədə be gorə, əvon nisbətən bərk-palstik vəzijjətdəj inən rube gobilijjət malik nin. Mantijədə maddon gonijəti gorə defferensijə bəməl oməjdə. Gon ovbuə maddon penə mantijəku žinə mantijə cəǧynən bə nuvə emedə. Syvykə maddon isə jolə təzjigi žiədədə bəpe, Zəmini lu tərəf ros bedə. Zəminilu inən Zəmini səpe vej jolə təsir nišon doə proseson rišə penə mantijədəj. Ijoən nyǧyl foksinə buməlarzon ijən vulkanon lonon bino bejdən.