Mollə Siroč
Mollə Siroč ja Məlo Siroč (XVIII əsr, Lankon, Tolyšiston) — XVIII əsri tolyšə šair[1].
| Mollə Siroč | |
| Movardə taryx | XVIII əsr |
|---|---|
| Movardə zəmin | Lankon, Tolyšiston |
| Faolijət | Šair, tolyšə poezijə |
Biografijə
sərost bykəŠejx Səfiəddini bəpeštə bəbe vote ki čurbəčurə məšhurə šairon bin komon šeiršon ogəte yštə doǧmə tolyšə zyvonədə. Mollə Siroči barədə cy akademik Boris Anreevici Dorni «Mollə Ismaili tolyšə zyvonədə šeiron» nyvyštəjədə votə bejdə. De Ibrahim-bek Talyšinskij xajši 1 maj 1861 sorədə nyvyštəj bo Dorni axund Mollə Ismail axund Mollə Gəfəri zoə gyrdə kardyše. Mollə Ismaili nyvyštəj 20 səhifə hestyše ijən yštə məzmunədə kali ruboijon hestyše ijən dy gylə hekojə tolyšə zyvonədə[1].
Mollə Siroč Lankoni ǧədimə tolyšə šaire cerə əcəj barədə Mollə Ismail nyvyštejdə. Mollə Siroči barədə Mollə Ismail ətrofinə məlumot nydoše. Mollə Siroči nom Lankoni XIX əsri šairon sijohijədə ni, by cymi gornə ehtimolən ym šairi ədəbijotə rizon lozime hic nybu XVIII əsrədə nəve.
Šairəti
sərost bykəMollə Siroči šeiron ruboijon formədən ijən 11 gylə hyčəjnin[1].
| Bə tolyši |
|---|
| Məllo Siroč, cyjoš bardə fikr xəjoli,
Həmrəhon həmə šəən, mandəsš čyjoli, Libosy kanəje, raštə zyǧoli, Həni də məčlisi čo mandə nije. |
Dubəjton tolyšə zyvoni kobəsonə ləhcədə nyvlyštə byən. Intasi arxaikə syxanon oko dojədə hərdəm šeiri rost dərəse cətinəti kardejdə, ijən ym cy pešonə mijonə əsron xəjli ədəbijotə dastə nyvyštəjon xarakterikə rize[1].
Mollə Siroči dubəjton myžoron dini-fəlsəfə nəzəron ijən šijə tarikəti tənxon nišon dojdən. Bədii barədə Mollə Siroči poezijədə bə məjdon bešedən xarakterikə bo klassik tolyšə poezijə rizon.