Xanəli Tolyš

Xanəli Tolyš (Ağajev Xanəli Širəli zoə) — tolyšə šair, ənyvyšt. Azərbojčoni jolə šairon gyləjnije. Ixtisasyš taryxəvon-etnograf byboən, tyrki ijən tolyšə zyvonədə nyvyštə šeiron ijən poemon hənijən vej məšhur kardəše əv. Azərbajčoni Nyvyštəvonon Ittifoği uzve. “Ǧyzyl gələm” mykofoti laureate. «Zulfuǧar Əhmədzodə nomədə ǧyzylə medali» iminə əstən.

Xanəli Tolyš (rostə tərəfədə) ijən Allahverdi Bajrami

Biografijə

Xanəli Tolyš 1940-minə sori marti 2-də Masalu rəjoni Ğyzlyvo dijədə moədə byə. 1958-minə sorədə Bədəlon di mijonə məktəbi sə kardəše. 1959-1960-minə soronədə bə Azərbojčoni Dovlət Universiteti gijobi taryx fakultə daxyl byə. 1961-minə sori 6 mang “Jeni həjat” gəzeti redaksijədə ko kardəše.

1961-2003-minə soronədə Ğyzlyvo ijən Dəlokobə 8-sorə məktəbonədə syftə miəllim, pešo 25 sor Dəlokobə məktəbi direktor ko kardəše. Ysət Ğyzylvo mijonə məktəbədə yštə ixtisaso miəllim ko kardə.

Ofəjevonə fəolijət

Xanəli Tolyš bə bədii fəalijət məktəb handə soronədə bino kardəše. Iminə šeir 1958-minə sorədə Masəlu rəjonədə bešə “Jeni həjat” gəzetiədə cap kardə byə. Cəj bəpeštə Xanəli Tolyši šeiron əsosən “Masally”, “Fidan”, “Leninci”, “Sovet Astarasy”, “Lerik”, “Sozun išyğy”, “Sovet kəndi”, “Azərbajčan pioneri”, “Azərbajčan gənčləri”, “Ədəbijjat və inčəsənət”, “Azərbajčan ordusu”, “Ücunču hədəf”, “Tolyši Sədo” hənijən čo gəzet ijən žurnalonədə cap kardə byə. Xanəli Tolyši əsosən se gylə zyvonədə nyvyštəše yštə šeiron hələ ym ružən šer nyvyštejədə dəvom kardejdə: tyrki zyvonədə, urusi zyvonədə ijən tolyši zyvonədə.

De tobə esət Xanəli Tolyši 9 gylə kitob cap kardə byə. “Garanguš juvasy” (tyrkə šeiron – 1999), “Vənəšə” (tolyšə zyvonədə šeiron – 2000), “Šinə caj” (tolyšə zyvonədə šeiron, bəhri-təvilon, mahneon – 2001), “Kərbəla karivany” (tyrkə mərsijon, minačaton ijən dini šeiron – 2002), “Bağyšla” (tyrkə šeiron ijən poemon – 2004), “Ox, Vətən, Vətən (Ttolyšə zyvonədə šeiron – 2012), “Dunja, mənə halal ejlə” (tyrkə šeiron – 2013), “Gəm karvany” (tyrkə mərsijon, dini šeiron - 2014), “Bir ovuč su” (tyrkə šeiron – 2015).

Xanəli Tolyš ym ružən bəštə bədii fəolijəti dəvom kardejdə.

«Zulfugar Əhmədzodə nomədə ǧyzylə medali» təltif kardə be.

1 oktjəbr 2023 sorədə Ǧyzlyvo dijədə gyləj šojə tədbir dəvarde. Ce Bejnəlxəlǧə Tolyšə Fondi nomiku bə tolyšə šairi, ənyvyšti, sipiriši Xanali Tolyši təltif kardyšone təškil kardə byə Zulfugari Əhmədzodə nomədə ǧyzylə medali.

Medal bə Xanali Tolyši təltif kardə byə bə əcəj dyždə tohfə, tolyšə ədəbijoti ijən šairəti bərpo karde ijən ozavzynije gornə, bo unikalə šairə ofəjevonəti soxtej ijən ozavzynije gornə.