Zulfuǧar Əhmədzadə

Zulfuǧar Əhmədzadə (Əhməd-zadə, Əhmədzodə) (14 ijun 1898 sor, Pensər di, Lankoni ǧəzo, Rusijə Imperijə — 1 ijun 1942 sor, Mariinsk) — tolyšə šair, ənyvyšt, ičtimoijə ijən sijosijə xodim, peəgordyn, publisist, 1930-nə soron millijə-mədənijə rostbemoni navəžən.

Zulfuǧar Əhmədzadə
Movardə taryx	14 İyun 1898(1898-06-14)
Movardə zəmin	Pensər
Mardə taryx	1 İyun 1942(1942-06-01) (43 sinədə)
Dəkandə vyrə	Marinsk[d], SSRI
Šəhrvandəti	SSRI

Biografijə

Əhmədzadə Zulfuǧar Əhmədi zoə 1898-minə sorədə Pensər dijədə kosibə tolyšə xyjzonədə bə dynjo omə. Validejnon ce Mir Əhməd xani Talyšinskij rajətonədə bin, de kaštemoni məšǧul bejdəbin ijən yštə gədə tuk hestyšonbe. Yštl avtobiogragijədə Zulfuǧar gyləj hodisə votejdə, kejnə ce Mir Əhməd xani Talyšinskij hyvoskon əcəj pyəšon kujəj cumcyko əv vaxtədə bəhr doj nyzynəše. Validejnon Iminə Dynjo Čangi bənav bə rəhmət šin.

9 sinədə de yštə pyə vote dij miəllimi tono šedəbu, končo 2 sor handejdəbe ijən umutyše hande, nyvyšte ijən farsi zyvonədə gəp žəj. 1913—1914 soronədə farsi zyvonədə dij məktəbyš oroxni Pensərədə, ərəbi zyvoni umute bino kardyše. 1916—1917 soronədə 2 sinifə məktəbi Pensər dijədə oryxniše. Vej bo hande həvəsyš hestbe, əv bə Lankon še ijən əjo bə məktəbi 1-nə grup dəše. Kejnə bə 2-nə grup dəše əcəj pyə bə rəhmət še, cymi bəpeštə əv hande ogətyše ijən de dij maši məšǧul be. Žygo əv 2 sori myddətədə dij mašədə ko kardyše. 12 sinədə həvəsyš bo rəssam kəše ijən šeir nyvyšte pəjdo kardyše. Žygo həvəsi əcəj pyə dust Lankonyž Əbulfəs Həsənov vindyše ijən tovsijə kardyše bəj dij maši ogəte ijən de savdo məšǧul be. Əv Zulfuǧaryš boštə xanboz karde ijən pulyš doj. De ym puli Zulfuǧar savdo karde bino kardyše, 1 sor ym koj kardyše, əmma čyvon bej, be təčrubə be gornə ijən savdoədə be jolə marəǧin bej gornə, əv hic pul ǧəzənč kardə nybe ijən həmmə pulon xarč kardyše. Hežo həminə vaxtədə dijədə gylə miəllim hestbe, əv urus be, Zulfuǧar əcəj tono dəxyl be ijən 4 mangi dylədə urusi zyvoni umutejdəbe.

Partijədə ko kardej

• 1918-minə sorədə «Hummət» təškilati uzv,
• 1920-1922-minə soronədə Lik rəjoni Ǧosmaljon diədə ce Ičraijjə Komitə sədr,
• 1922-1923-nə soronədə Lankonədə Zəmini šebə mudir,
• 1923-1925-minə soronədə Lankon rəjoni Maarif Šebə mudir,
• 1925-1926-minə soronədə Lacyn rəjoni, 1926-1928-minə soronədə Zagatala rəjoni,
• 1928-1929-minə soronədə Aǧdam rəjoni Ičraijjə Komitə sədr təjin byə.
• 1929-1930-minə soronədə Lankon Pedagoži Texnikumi direktor,
• 1930- minə sorədə Ostoro rəjon Ičraijjə Komitə sədr ko kardəše.
• 1931-1933- minə soronədə Ermənistani Vedi rəjonədə İčraijjə Komitə sədr,
• 1933-1935-minə soronədə Azərbajčon Xalg Komssarətiədə Ali məktəbon idarə rəis,
• 1935-1937-minə soronədə Azərbajčoni Nəšrijatədə “Kamijətiədə Mandə Xəlxon” («Azlygda Galan Xalglar») šebə mudir ko kardəše.

«Munhauzeni Sərgızəşton» Peəgordyn bə tolyši: Izzat Abdullajev, Redaktor: Zulfugar Əhmədzadə

1937-minə sorədə dy činajət məčəllə 64-minə bə Səvet hukuməti əks mubarizə bardə təškilati uzv maddə ittihom be gorəš bə Sibir surgun kardə byə. 1938-minə sori sentjabrə mangi 21-də 5 sor ozodətiko məhrum kardə bə. Surgunədə beədə surgunə dušərgədə nəšr kardə gəzeti redaktor ko kardəše. Azərbojčonə ijən Tolyšə zyvonədə šeiron nyvyštəše. Ce Azərbajčoni ijan ce dynjo ədəbijjatiku poetik nymunon bə tolyšə zyvon pegordynijəše. Tolyšə zyvonədə nyvyštəbə iminnə poema muəllife. 1942-minə sorədə ijunə mangi 9-də Kemerovo vilajəti Mariinsk šəhərədə yštə dynjo dəgiš kardəše.

Bibliografijə

Šikilon

• 
• 

Oko doə byə ədəbijot

1. A.A.Bajrami. Tolyši poezijə lesty//Tolyši sədo. 22.06.1993.
2. B.Həsənov., M. Talyšly. Ačı xatirələr//Leninci. 01.10.1998.
3. C.Rəhmanov. Illəri qovuşduran körpü//Tolyši sədo. № 17, 18.05.1993; № 20, 01.06.1993.
4. Ə.Aǧalarov, Ə. Əlišoǧlu. Lənkəranly hümmətçi//Azərboyčon gənčləri. 17.08.1989.
5. Əhəd Muxtar. Tərčumə mənəvi borčdur//Tolyši sədo. 08.06.1993.
6. H.Məmmədzadə. Yaddan çıxaranlar//Sovet Astarası. 27.04.1989.
7. H.Məmmədzadə. Zulfugar Əhmədzadə kimdir?//Tolyš, № 15, 2002.
8. H.Tanqərüj. Zulfugar Əhmədzadə//Tolyši sədo. №8,9. 1993.
9. Oručzadə Ilgar. Zulfugar Əhmədzadə//Tolyši sədo. № 29, 2003.
10. Tarix hər kəsə oz gijmətini verəčəkdir. Z. Əhmədzadənin gyzı Mərijət xanymla musahibə//Tolyši sədo. 29.06.1993.
11. Tehran Əlišanoǧlu. Z. Əhmədzadənin šeir poetikasına dair//Tolyši sədo. №24.06.07.1993; № 25. 13.07.1993.
12. Z.Əhmədzadə. Poemon ijan šeron. M.: 1990.
13. Z.Əhmədzadə. Šeron, tərcumon, məktubon. M.: 1992.
14. Z.Əhmədzadə (Pensəž). Vyžnijəbə əsəron. Sankt-Peterburg. 2002.

Linkon

• Lankonədə Zulguǧar Əhmədzadə 100 sornə jubilej dəvonije 28.10.1998 sor
• Zulfuǧari Əhmədzadə šeiri synanonku handə mahne ǧysm Ostoroədə jubilej dəvonijejədə 29.10 1998 sor.